O ALCALDE DE PONTEDEUME ENTREVISTASE MAñÁN COA DIRECTORA XERAL PARA O DEPORTE PARA AVANZAR NO PROXECTO DO NOVO CLUB DE VELA

O goberno eumés agarda que o novo proxecto poida contar coa colaboración das administracións autonómicas e provincial

O alcalde, Gabriel Torrente acudirá ó encontro coa responsable da Xunta acompañado pólo Presidente do Club Firrete, Ramiro Piñeiro

O concello incluirá unha partida de 150.000 euros nos orzamentos do 2009 para construir este centro de vela

O alcalde de Pontedeume, Gabriel Torrente reunirase mañán coa Directora Xeral para o Deporte da Xunta de Galícia para negociar a posible participación da administración autonômica na financiación do novo Club de Vela que o gobierno eumés pretende levar adiante.

Ao encontro coa Directora Xeral para o Deporte, Marta Souto, o alcalde eumés acudirá acompañado pólo Presidente do Club Firrete, Ramiro Piñeiro, e pólo autor do proxecto de construcción do novo club de vela, que poderia construirse de forma modular, dacordo co financiamento que se acade.

O gobierno de Pontedeume, liderado por Gabriel Torrente trata de impulsar um novo proxecto, logo de que o anterior, iniciado pólo gobierno PSOE-BNG fracasase ao quedar deserto no proceso de adxudicación das obras.

O alcalde de Pontedeume agarda que a Consellería de Cultura e Deporte da Xunta de Galícia aporte fondos para o ano 2009 co obxectivo de cofinanciar estas obras, que permitirían dotar a Pontedeume dun moderno club de Vela, do que se beneficiarían o club Firrete e O Peixe. “Pontedeume ten que converterse nun referente para os deportes náuticos. Temos unha grande tradición no que a vela se refire, e por isso, é fundamental impulsar este proxecto”, resaltou o rexedor, quen anunciou que o concello reservará unha partida de 150.000 euros nos orzamentos do 2009 para impulsar este proxecto.