FONDO ESTATAL DE INVERSIÓN LOCAL I

O BOE de data 02.12.08 publicou o Real Decreto que aproba a creación de 2 Fondos, o Fondo Estatal de Inversión Local dotado con 8.000 Millóns de € e o Fondo Especial do Estado para a Dinamización da Economía dotado con 3.000 Millóns de €. ( ámbolos dous fondos financiados con Deuda Pública ).Zapatero presentou o Plan, cando aínda no estaba ultimada a súa redacción, de xeito que tras o anuncio de ZP o equipo técnico encargado da súa elaboración estivo traballando a marchas forzadas, mesmo no fin de semana, para que poudese ser publicado o martes.

A medida foi propagandística e electoralísta, confeccionada ás costas dos concellos que se enteraron do Plan pola prensa. Logo de anuncialo aos medios, ZP tivo que recibir a FEMP para explicárllelo contido.

Onte, o PSdeG-PSOE, tras unha reunión con alcaldes e responsables municipais socialistas anunciaba, que o fondo suporía para Galicia uns 774 millóns de € e a creación de 20.000 novos postos de traballo, e que por iso, se poría en funcionamento un Gabinete de información e asesoramento a alcaldes.

Esta mesma mañana, o Vicesecretario Xeral do PSOE, José Blanco convocó en Ferraz, a alcaldes/esas socialistas de máis de 50.000 habitantes, presidentes e voceiros de Deputacións, Consellos e Cabildos Insulares e presidentes de federacións territoriais de municipios a unha reunión informativa do que deu en chamar “ Plan Zapatero ”.
Despois de que Blanco “ arengara ” ás tropas e as responsabilizara do resultado do Plan, os alí presentes asinaron unha DECLARACIÓN, na que os 200 representantes do PSOE calificaban o Plan como “ hito histórico sen precedentes ”, e amosaban o “ máis profundo rexeitamento ao boicot ”, din, “ organizado por Mariano Rajoy ”. Termina a declaración cun chamamento aos “ colegas do PP para que desenvolvan as previsións do Plan ”. ( parece que mesmo o PSOE ten dúbidas de que se poda implementar correctamente o Plan, e por eso Blanco pide aos “ seus ” que o instrumenten con celeridade e eficacia ).

O Presidente Mariano Rajoy, mantivo onte unha reunión con alcaldes/esas, onde expuso que aos concellos primeiro se lles quitan cartos na Participación dos Ingresos do Estado dos PGE 2009, e agora se poñen enriba da mesa a través deste Plan. Se evidencia unha vez máis que falla a planificación e a coordinación do goberno. De todos xeitos, perdéndose unha media de 200.000 postos de traballo cada mes, non parece moi ambicioso un plan que ten previsto crear 300.000.

O Presidente da FEMP, califica o Plan de “ gran oportunidade ”, ao mesmo tempo que se felicita porque as propostas da FEMP foran incorporadas.

Ø As medidas son insuficientes, son un parche para o 2009, e logo non sabemos qué pasará.

Ø É un plan puntual, que non aborda nin soluciona o grave problema estructural que padecen os concellos, ao non terse producido un cambio no modelo de financiación local. Os cartos son só para inversións, non para gasto corrente, é ¿ … quén pagará os novos gastos correntes que xeneren as inversións feitas… ?

Ø Os gastos correntes dos concellos sí poderían atenderse coa Participación nos Ingresos do Estado, que baixou moitísimo, e que para Galicia vai supoñer unha perda anual de 55 millóns de €.

Ø Non recolle as propostas que a FEMP presentou por unanimidade aos PGE 2009.

Ø Perxudica enormemente a Concellos pequenos, pola súa dificultade de presentar no curto prazo establecido proxectos que poidan resultar beneficiarios de axudas. Os concellos pequenos terán moitas dificultades técnicas.

Ø O criterio de reparto é basado únicamente nas cifras de poboación, polo que Galicia sae perxudicada ao non terse en conta criterios fundamentais como envellecemento ou dispersión de poboación. ( Padrón Municipal referido a 1 xaneiro 2007 ). A Xunta bipartita se comprometeu a que o cómputo destes criterios ía ser un obxectivo irrenunciable.

Ø Será interesante facer un seguimento de qué concellos se incorporaron, cantos dos 8.000 Millóns de € se repartiron, etc. En definitiva, avaluar o plan segundo o seu funcionamento na práctica, non no papel. A implementación do Plan semella ser difícil, e probablemente o Goberno xa conta con que unha parte moi importante destes cartos finalmente non se executará.